The Holy Bible: John 3:11-21 in Gaelic

AN SOISGEUL A REIR EOIN (THE GOSPEL ACCORDING TO JOHN)

 

Caib. III. 11-21 

 

 

¹¹Gu deimhin deimhin tha mi ag ràdh riut, gu bheil sinne a’ labhairt an ni a’s fios duinn, agus a’ toirt fianuis air an ni sin a chunnaic sinn; agus cha ghabh sibhse ar fianuis.

 

¹²Ma dh’innis mi dhuibh nithean talmhaidh, agus nach creid sibh, cionnus a chreideas sibh ma dh’innseas mi dhuibh nithean nèamhaidh?

 

¹³Agus cha deachaidh aon neach suas do nèamh, ach an ti a thàinig a nuas o nèamh, Mac an duine a tha air nèamh.

 

¹⁴Agus mar a thog Maois suas an nathair ’s an fhàsach, is ann mar sin is éigin do Mhac an duine bhi air a thogail suas:  

 

¹⁵Chum as ge b’e neach a chreideas ann, nach sgriosar e, ach gu’m bi a’ bheatha mhaireannach aige.

 

¹⁶Oir is ann mar sin a ghràdhaich Dia an saoghal, gu’n d’thug e ‘aon-ghin Mhic féin, chum as ge b’e neach a chreideas ann, nach sgriosar e, ach gu’m bi a’ bheatha shìorruidh aige.

 

¹⁷Oir cha do chuir Dia a Mhac do’n t-saoghal, chum gu’n dìteadh e an saoghal, ach a chum gu’m bitheadh an saoghal air a shaoradh trìd-san.

 

¹⁸An ti a chreideas ann, cha dìtear e: ach an ti nach creid, tha e air a dhìteadh cheana, a chionn nach do chreid e ann an ainm aoin-ghin Mhic Dhé.

 

¹⁹Agus is e so an dìteadh, gu’n d’thàinig an solus do’n t-saoghal, agus gu’n do ghràdhaich daoine an dorchadas ni’s mò na’n solus, a chionn gu’n robh an gnìomharan olc.

 

²⁰Oir gach neach a tha ’deanamh uilc, tha e ’toirt fuatha do’n t-solus, agus cha-n’eil e ’teachd chum an t-soluis, air eagal gu’m bitheadh ’oibre  air a chronachadh.

 

²¹Ach an ti a ni an fhìrinn, thig e chum an t-soluis, chum gu’m bi ’oibre follaiseach, gur ann ’an Dia a rinneadh iad.